Wanpla politikal ektivist blong West Papua hia long Australia itok emi no kirap nogut long ol toktok emi kamap olsem ol sumatin blong Indonesia isave mekim ol wok hait oa spai long ol t Papua pipal.
Ronnie Kareni, i mekim despla toktok bihaen long ABC lateline program ibin tokaut olsem ol sumatin blong Indonesia iwok long kisim toktok na ol photo blong ol West Papua pipal na salim igo bek long gavman blong Indonesia.
Mr Kareni itok tu olsem, Indonesia iwok long mekim ol despla wok spai long wonem ol toktok na awenes long ol wari long wok politik long West Papua nau iwok long kamap strong.
Indonesia ibin kisim nating West Papua long long ol yia 1960's bihaenim wanpla vout we liklik laen tasol ibin stap insaet long en.
Stat long despla taem ikam inap nau planti pipal long west Papua iwok long fait long bruk lusim Indonesia long wonem oli tok oli pipal blong Melansia, wankaen olsem ol pipal blong New Caledonia, PNG, Fiji, Solomon Islands na Vanuatu.
http://www.radioaustralia.net.au/
Tidak ada komentar:
Posting Komentar