Vanuatu bai sapotim iet West Papua Indipendans

Vanua'aku Pati we i lidim gavman blong Vanuatu i tok bai em ino tanim tingting blongen long sapotim "self-determination" blong ol pipol blong West Papua. 

CEO blong Vanua'aku Pati, Avio Niki Robert i tok dispela tu em i as tingting long ol Melanesian kantri ibin statim dispela Melanesian Spearhead Grup.

Em i tok em i "prerogative" oa laik blong PNG gavman sapos em i laik long Indonesia i kamap memba blong MSG.

Tasol Mr Robert i tok Vanua'aku Pati na gavman i lukim olsem dispela United Liberation Movement nau i makim trutru ol pipol blong West Papua, na i gut sapos em i kamap ful memba blong MSG.

Em i tok Vanuatu bai no senisim tingting blong en long helpim ol pipol long wol long kisim fridom.

http://www.radioaustralia.net.au